Lutakast var í gjár um dystirnar í kappingini um Løgmanssteypið, og har gjørdist úrslitið fyri okkara viðkomandi, at Víkingur skal til Sands at spæla.

Tað vera uppflytararnir av Sandi, sum skulu basast í fyrsta umfarinum í kappingini um Løgmanssteypið. Hetta verður samstundis fyrsti dystur av veruligum týdningi í ár, so spennandi verður at síggja, hvussu liðini eru fyri. Einki er tó at ivast í, at sandoyingar fara at gera alt tað, teir eru mentir at vinna á steypavinnarunum frá 2009.